२०८१ चैत २३ गते शनिवार / Apr 05 , 2025 , Saturday
२०८१ चैत २३ गते शनिवार
Ads

चोभारमा महिला व्यवसायीको वनभोज सम्पन्न, गेलाल र सापकोटाले जिते उपाधि

draupadi film
मध्यान्ह
२०८१ चैत २२ गते २०:४६
चोभारमा महिला व्यवसायीको वनभोज सम्पन्न, गेलाल र सापकोटाले जिते उपाधि

काठमाडौं : नेपाल वैदेशिक रोजगार व्यवसायी महिला संघको आयोजनामा राजधानीको चोभारमा बृहत् वनभोज कार्यक्रम सम्पन्न भएको छ । नेपाल वैदेशिक रोजगार व्यवसायी संघको ३१औं साधारणसभा र नयाँ कार्यसमितिको निर्वाचनको पूर्वसन्ध्यामा भएको वनभोजमा उल्लेख्य मात्रामा व्यवसायीसहित विभिन्न पदमा उम्मेदवारी सार्वजनिक गरेका व्यवसायी पुगेका थिए ।

वनभोज कार्यक्रममा गीत र सांगीतिक प्रस्तुति रहेका थिए । संघले वनभोज कार्यक्रम मनोरञ्जनपूर्ण बनाउन घैंटो फुटाउने कार्यक्रम राखेको थियो ।

नेपाल वैदेशिक रोजगार व्यवसायी संघको आगामी निर्वाचनमा अध्यक्ष पदका २ प्रत्यासी भुवनसिंह गुरुङ र नरेश गेलालका बीचमा भएको घैंटो फुटाउने प्रतिस्पर्धामा गेलालले घैंटो फुटाएर उपाधि जिते भने म्युजिकल चेयरको प्रतिस्पर्धा गुरुङ प्यानलबाट कार्यसमिति पदका उम्मेदवार युनिभर्सल एचआर सोलुसन प्रा.लि.का संचालक भरत सापकोटाले जिते ।

संघकी अध्यक्ष प्रतिमा महर्जनले म्यानपावर कम्पनी कर्मचारी परिवार र व्यवसायीबीच आपसी एकता तथा भाइचाराको सम्बन्ध र भावना बलियो बनाउने उद्देश्यले वनभोज कार्यक्रम राखिएको जानकारी दिइन् ।

उनले वनभोज कार्यक्रमले कला, संस्कृतिको संरक्षण व्यवसायीलाई तनावमुक्त भई रचनात्मक एवं सिर्जनात्मक कार्यमा अग्रसर हुने प्रेरणा मिल्ने भन्दै निमन्त्रणा स्वीकार गरी सहभागी भएकामा सबैप्रति आभार प्रकट गरिन् ।

ADV

सम्बन्धित खबर

Advertise