२०८१ चैत २३ गते शनिवार / Apr 05 , 2025 , Saturday
२०८१ चैत २३ गते शनिवार
Ads

नेपाल वैदेशिक रोजगार व्यवसायी संघको निर्वाचनमा ९०३ प्रतिनिधि

draupadi film
२०८१ चैत २३ गते ०६:३०
नेपाल वैदेशिक रोजगार व्यवसायी संघको निर्वाचनमा ९०३ प्रतिनिधि

काठमाडौं : नेपाल वैदेशिक रोजगार व्यवसायी संघको निर्वाचनका लागि ९०३ प्रतिनिधि दर्ता भएका छन् । संघको प्रतिनिधि व्यवस्थापन समितिका संयोजक तथा द्वितीय उपाध्यक्ष सञ्जु गुरुङले शुक्रबार कार्यालय समयभित्र माइन्युट र अन्य कागजपत्रसहित लेबी बुझाएका ९०३ प्रतिनिधिको नाम टुंगो लगाइएको मध्यान्ह दैनिकलाई जानकारी दिए ।

यो संख्या गत वर्षभन्दा २०० भन्दा बढी रहेकोे पनि उनले जानकारी दिए । सबै म्यानपावर कम्पनी कार्यालयमा सम्पर्क गरी संघमा प्रतिनिधि पठाउनुपर्ने विषयमा कतिपयलाई रहेकोे अन्योल अन्त्य गरेपछि संघमा प्रतिनिधिको संख्या बढेको उनको भनाइ छ । 

प्रतिनिधिको संख्या वृद्धिसँगै संघलाई आर्थिक रूपमा टेवासमेत मिलेको छ । संघको यसअघिको निर्वाचनमा ७०० प्रतिनिधि दर्ता भएका थिए । तीमध्ये ६४६ व्यवसायीले नयाँ नेतृत्वका लागि मतदान गरेका थिए ।

अध्यक्षमा निर्वाचित राजेन्द्र भण्डारीले १९९ मत ल्याएका थिए भने भुवनसिंह गुरुङले १५७, कुमुद खनालले १३१ मत र ईश्वर जीसीले १२८ मत पाएका थिए । यस पटक २ प्यानल मात्र रहेका र मतदाता प्रतिनिधि बढेका कारण विजयी हुने उम्मेदवारले मत संख्या बढाउनुपर्ने देखिएको छ ।

अघिल्लो निर्वाचनमा ९२ प्रतिशतभन्दा बढी मतदाताले मतदान गरेका थिए । यस पटक सोही आधारमा मतदान भएमा ८२६ बढीले मतदान गर्ने छन् । मत बदर नभएका अवस्थामा अध्यक्षमा विजय हुन ४०० बढी मत ल्याउनुपर्ने आँकलन गरिएको छ । 

ADV

सम्बन्धित खबर

Advertise