काठमाडौं : राष्ट्रिय प्रजातान्त्रिक वैदेशिक रोजगार व्यवसायी संघले २९ चैतमा हुने नेपाल वैदेशिक रोजगार व्यवसायी संघ कार्यसमितिको निर्वाचनमा नरेश गेलाल प्यानललाई विजयी गराउने सहमति गरेको छ ।
प्रगतिशील वैदेशिक रोजगार व्यवसायी मञ्च नेपालका अध्यक्ष जनक रावलले शुक्रबार मञ्च र राष्ट्रिय प्रजातान्त्रिक संघबीच गेलाल प्यानललाई विजयी गराउने सहमति भएको जानकारी दिए ।
यसअघि राष्ट्रिय प्रजातान्त्रिक संघले कुनै पनि पक्षमा नलाग्ने बताएको थियोे । तर, शुक्रबारको छलफलपछि संघ गेलाल प्यानलका पक्षमा मतदान गर्न सहमत भएको हो ।
मञ्चको प्यानल, नेपाल लोकतान्त्रिक वैदेशिक रोजगार व्यवसायी एसोसिएसनको असन्तुष्ट पक्ष र एकीकृत वैदेशिक रोजगार व्यवसायी संगठनले तालमेल गरेर उम्मेदवारी सार्वजनिक गरेका छन् ।
