काठमाडौं : पूर्वप्रधानमन्त्री तथा नेपाल समाजवादी पार्टी (नयाँ शक्ति) का अध्यक्ष डा. बाबुराम भट्टराईले देशमा राजतन्त्र ल्याउने ठाउँ नभएको बताएका छन् ।
शनिबार पार्टीले आयोजना गरेको अन्तरक्रिया कार्यक्रममा बोल्दै भट्टराईले राष्ट्रपति प्रणालीगत र शासकीय सुधार, निर्वाचन प्रणालीमा सुधार गर्न सकिने तर राजा आउने कुरा भ्रम भएको बताए ।
उनले राजतन्त्र ल्याउने ठाउँ नै नभएको बताउँदै धेरै जनाले नबुझी राजतन्त्र आउँछ भने पनि त्यो सम्भव नभएको जनाए ।
अहिलेको सापेक्षतालाई हेर्ने हो भने प्रत्यक्ष निर्वाचित कार्यकारी प्रमुखमै जानु उपयुक्त हुने भट्टराईको तर्क छ । एउटा कसैले चाहँदैमा राजा नआउने र राजा ल्याउनका लागि हरेक दलभित्र बहस हुनुपर्ने उनको भनाइ छ ।
