काठमाडौं : नेपाल वैदेशिक रोजगार व्यवसायी संघको आगामी २९ चैतमा हुने निर्वाचनका लागि आज आइतबार उम्मेदवारी दर्ता हुँदैछ । २१ सदस्यीय कार्यसमितिमा अध्यक्षसहित ७ पदाधिकारी र १० सदस्य गरी १७ पदका लागि निर्वाचन हुनेछ ।
निर्वाचन समितिले आइतबार ११ बजेपछि मनोनयन दर्ता गर्ने समिति सदस्य भवानी निरौलाले जानकारी दिए । समितिले ९०३ जना मतदाताको टुंगो लगाएकोमा ३५ जना मतदाताको नाममा दाबी विरोध परेको छ । समितिले आइतबार प्रमाण हेरेर अन्तिम निर्णय गर्ने बताएको छ । संघको निर्वाचनका लागि यसपटक २ प्यानल सार्वजनिक भएका छन् ।
प्रगतिशील वैदेशिक रोजगार व्यवसायी मञ्च नेपाल, नेपाल लोकतान्त्रिक वैदेशिक रोजगार व्यवसायी एसोसिएसनको असन्तुष्ट पक्ष र एकीकृत वैदेशिक रोजगार व्यवसायी संगठनबीच तालमेलमा संयुक्त व्यवसायी समूह बनेको छ । यो समूहको अध्यक्षमा संघका पूर्वमहासचिव तथा मञ्चका पूर्वअध्यक्ष एचआर इन्टरनेशनल सर्भिस प्रा.लि.का संचालक नरेश गेलालले रहेका छन् ।
यस्तै, नेपाल लोकतान्त्रिक वैदेशिक रोजगार व्यवसायी एसोसिएसन र गणतान्त्रिक वैदेशिक रोजगार व्यवसायी मञ्चसँग तालमेलका आधारमा प्यानल घोषणा भएको छ । यो प्यानलको अध्यक्षमा संघका पूर्वद्वितीय उपाध्यक्ष तथा गुरुङ म्यानेजमेन्ट प्रा.लि.का संचालक भुवनसिंह गुरुङले गरेका छन् । व्यवसायी ईश्वर सापकोटा र अख्तर हुसेनलगायतले स्वतन्त्र उम्मेदवारी दिने सार्वजनिक गरेका छन् ।
गुरूङ प्यानल
यस प्यानलमा गुरुङ म्यानेजमेन्ट प्रा.लि.का संचालक भुवनसिंह गुरुङ अध्यक्ष, प्रथम उपाध्यक्षमा नोकरी नेपाल प्रा.लि.का संचालक नरेन्द्रप्रसाद ढकाल, द्वितीय उपाध्यक्षमा अलर्ट ओभरसिज प्रा.लि.का संचालक देवकुमार खोखाली, तृतीय उपाध्यक्षमा इम्प्लोइमेन्ट क्रियसन सर्भिस प्रा.लि.का संचालक हर्कबहादुर लिम्बू र महासचिवमा ग्लोबल राइजिङ प्लेसमेन्ट प्रा.लि.का संचालक महेशकुमार बस्नेत छन् ।
यस्तै आकृति रिक्रुटिङ प्रा.लि.का संचालक कुन्छा दोर्जे दिमदोङ सचिव र कोषाध्यक्षमा शुभ हारती म्यानपावर प्रा.लि.का संचालक विक्रम श्रेष्ठ छन् ।
यसैगरी कार्यसमिति सदस्यमा इम्पेरियल ओभरसिज प्रा.लि.की संचालक विद्यालक्ष्मी बज्राचार्य , राज ग्रुप अफ कम्पनीका संचालक राज लामा तामाङ, हिमालयन भ्याली नेपाल प्रा.लि.का संचालक देवीप्रसाद गिरी, ब्रदर इन्टरनेसनल इम्प्लोइमेन्ट प्रा.लि.का संचालक दीपककुमार राय, रसुवा ओभरसिज प्रा.लि.का संचालक सुवर्ण लामा, सेक्युर नेपाल जब प्रा.लि.का संचालक सुमनराज पाण्डे, ग्लोबल एचआर हब प्रा.लि.की संचालक गीता राउत, युनिभर्स एच.आर. सोलुसन प्रा.लि.का संचालक भरत सापकोटा, रिजा ओभरसिज प्रा.लि.का संचालक रेखा शर्मा र इगल मेनपावर कन्सल्टेन्ट प्रा.लि.का संचालक कृष्ण ढकाल छन् ।
गेलाल प्यानल
गेलाल प्यानलबाट एचआर इन्टरनेशनल सर्भिस प्रा.लि.का संचालक नरेश गेलाल अध्यक्ष, प्रथम उपाध्यक्षमा एलायन्स ह्युमन रिसोर्स प्रा.लि.का संचालक तथा संघका पूर्वमहासचिव सुजित कुमार श्रेष्ठ, द्वितीय उपाध्यक्षमा इम्प्लोइमेन्ट लिंक नेपाल प्रा.लि.का संचालक मधुकर रिजाल, तृतीय उपाध्यक्षमा न्यू अल्फा एचआर प्रा.लि.का संचालक बैकुण्ठ पौडेल वैभव, महासचिवमा डाइनामिक स्टाफिङ सोलुसन प्रा.लि.का संचालक कर्णराज कटुवाल, सचिवमा कन्फिडेन्ट इन्टरनेशनल म्यानपावर प्रा.लि.का संचालक अनिल बोगटी र कोषाध्यक्षमा कालिञ्चोक एचआर प्रा.लि.की सञ्चालिका धनु सिजाली उम्मेदवार छन् ।
कार्यसमिति सदस्यका उम्मेदवारहरूमा माउन्टेन ग्रुप प्रा.लि.का संचालक देउमान नेम्वाङ, ग्रोथ प्रोसेस इन्टरनेशनल इम्प्लोइमेन्ट प्रा.लि.का संचालक राजेन्द्र बस्नेत, उज्यालो ओभरसिज प्रा.लि.का संचालक चन्द्र लिम्बू, विनर एचआर सोलुसन प्रा.लि.की संचालक हिमा गुरुङ, रियो ओभरसिज प्रा.लि.की संचालक रमा खड्का, गल्फ इम्पायर ओभरसिज प्रा.लि.का संचालक दिनेश बस्नेत, आयुश ओभरसिज प्रा.लि.का कामेश्वर साह राहुल, सिगुल ओभरसिज प्रा.लि.का संचालक छत्र बस्नेत, डेष्टिनी ह्युमन रिसोर्सका युवराज देवकोटा र गल्फ एशिया म्यानपावर प्रा.लि.का राजेश यादव छन् ।
