काठमाडौं : प्रगतिशील वैदेशिक रोजगार व्यवसायी मञ्च नेपाल, नेपाल लोकतान्त्रिक वैदेशिक रोजगार व्यवसायी एसोसिएसनको असन्तुष्ट पक्ष र एकीकृत वैदेशिक रोजगार व्यवसायी संगठनबीच तालमेलमा संयुक्त व्यवसायी समूहले निर्वाचन परिचालनलाई प्रभावकारी बनाउन विभिन्न समिति गठन गरेको छ ।
निर्वाचन परिचालन समितिका संयोजक सरोज पोखरेलका अनुसार नेपाल लोकतान्त्रिक वैदेशिक रोजगार व्यवसायी एसोसिएसनका पूर्वअध्यक्ष कुमुद खनालको संयोजकत्वमा प्रचारप्रसार समिति गठन गरिएको छ । समितिको सहसंयोजकमा बाबुराम खड्का र सदस्यहरूमा चिरञ्जीवी बस्याल र शशी कुमार यादव छन् ।
वरिष्ठ व्यवसायी रघु पुरी संयोजक रहेको उच्चस्तरीय स्टेरिङ कमिटी गठन गरिएको छ । व्यवसायी वाइबी राई, कृष्ण पौडेल, सन्ता लामा र जनक सापकोटा सहसंयोजक तथा जनक रावल सदस्य सचिव रहेका छन् ।
आर्थिक समितिको संयोजकमा मदन पौडेल र सहसंयोजकमा मेघनाथ भुर्तेल, सुनिल केसी र सन्त लामा छन् । त्यस्तै सो समूहले विभिन्न क्षेत्रीय समिति पनि गठन गरेको छ ।
ललितपुर क्षेत्रीय संयोजक तिला काप्री, सिनामंगल संयोजक मुक्तिनाथ अधिकारी र सामाखुशी क्षेत्रीय समितिको संयोजक दलवीर भण्डारी रहेका छन् भने सहसंयोजक नवराज भट्ट, लक्षमण पौडेल, दिलिप भट्टराई र नुर महोम्मद मियाँ रहेका छन् ।
