काठमाडौं : तिलक भण्डारी र नन्दन यादवको धारिलो बलिङमा बागमती प्रदेशले डिफेन्डिङ च्याम्पियन नेपाल पुलिस क्लबलाई प्रधानमन्त्री कप एकदिवसीय राष्ट्रिय क्रिकेट प्रतियोगितामा सात विकेटले हराउँदै विजयी सुरुवात गरेको छ ।
त्रिवि खेल मैदानमा भएको खेलमा बागमती प्रदेशका कप्तान ज्ञानेन्द्र मल्लले टस जितेर फिल्डिङ रोजेका थिए । जसलाई बलरहरूले सही तुल्याइदिए । नेपाल पुलिसका कुनैपनि खेलाडी क्रिजमा टिक्न सकेनन भने कुनै समय पनि साझेदारी बनेन ।
निरन्तर अन्तरालमा विकेट झर्दा नेपाल पुलिस २९ दशमलव ३ ओभरमा नै सम्पुर्ण विकेट गुमाएर १ सय ११ रनमा समेटियो । दिपेन्द्र सिंह ऐरी र आरिफ शेखले २१÷२१ तथा सुनिल धमला र कुशल भुर्तेलले १७/१७ रन बनाए । यी चार बाहेक अन्य खेलाडीले दोहोरो रन छुन सकेनन् ।
बलिङमा तिलक भण्डारी अत्यन्त किफायती रहँदै चार विकेट चटकाउन सफल रहे । उनले ७ दशमलव ३ ओभर बलिङ गर्दै एक मेडन सहित मात्र १७ रन खर्चेर चार विकेट लिए । यस्तै नन्दन यादवले पनि चार विकेट लिए ।
जवाफमा १ सय १२ रनको विजय लक्ष्य पछ्यएको वागमती प्रदेशले ३४ दशमलव ४ ओभरमा तीन विकेटको नोक्सानीमा पुरा गर्यो । सुरुवातमा वाग्मतीले संघर्ष गर्यो । सुस्त सुरुवात गरेको वाग्मतीले १२ ओभरमा २९ रन बनाउदा २ विकेट गुमिसकेको थियो ।
ओपनरद्वय आकाश थापा १ रनमा र अदिल खान १२ रनमा आउट भए । लगत्तै पारस खडका ललित राजवंशीको बलमा बोल्ड आउट भए । यसपछि पृथु बाँस्कोटा र ईशान पाण्डेले टिमलाई जिततर्फ डोर्याए ।
यी दुईले चौथो विकेटको लागि अविजित ७९ रनको साझेदारी गरे । ईशानले पृथुलाई साथ दिए । पृथुले रन बटुले । उनले अविजित ४८ रन र ईशानले अविजित १७ रन बनाउदै टिमलाई सात विकेटको सहज जित दिलाए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies