तेजबहादुर बन/मध्यान्ह
इटहरी : कृषि क्षेत्रमा क्रान्ति ल्याउन र वाह्य बजारलाई नियन्त्रण गरी कृषकहरूलाई स्वदेशमै समृद्ध बनाउने योजनासहित राष्ट्रिय खाद्य बैंक स्थापना भएको छ । उक्त बैंकले ७७ ओटै जिल्लामा शाखा कार्यालयहरु स्थापना गर्ने तयारी गरिएको छ ।
त्यसै क्रममा प्रदेश एकमा शाखा कार्यालय स्थापना गर्ने उदेश्यका साथ इटहरीमा बैंकले कार्यक्रम गरेको छ । कृषि क्षेत्रमा देखिएका विद्यमान समस्याहरूलाई हल गर्दै कृषकहरूको पीडा र दुःखलाइ मलम लगाउन खाद्य बैंक स्थापना भएको र आवश्यकता अनुसार ७७ वटै जिल्लामा शाखा कार्यालयहरू स्थापना गर्ने योजना रहेको बैंकका कार्यकारी अध्यक्ष शंकर उप्रेतीले सञ्चारकर्मीहरुसँगको छलफलमा जानकारी दिए ।
अध्यक्ष उप्रेतिले युवाहरु कृषिमा लगानी गर्न डराइरहेको अवस्थालाइ मध्यनजर गर्दै उनीहरूलाइ समेटने गरी लोभलाग्दो योजनाहरू अघि बढाएको बताए । उनले कृषकहरूलाई बिनो धितो ऋण लगानी र उत्पादनलाइै जोड दिनुका साथै उत्पादन भएका कृषिजन्य सामग्रीहरूको प्राविधिक जाँच र बजार पठाउने सम्म पठाउने उल्लेख गरे ।
उत्पादनदेखि बजारसम्मको ब्यवस्थापन बैंक आफैले गर्ने हुँदा यसमा बिचौलियाको उपस्थिति नहुने उनको दावी छ । अध्यक्ष उप्रेतीले बैंक भन्ने बित्तीकै आर्थिक र चेकको कारोबार गर्ने माध्यम भन्ने परिभाषालाई परिवर्तन गर्न यो संस्थालाइ अघि बढाएको बताए ।
बैंकमा कुनै प्रकारको आर्थिक कारोबार नहुने र चेक साटिने माध्यम पनि नबने उनको भनाइ थियो । चालू पुँजी २ अर्वबाट शुरू गरिएको खाद्य बैंकले केवल कृषकहरूको उत्पादनलाई बढाउने तर्फ ध्यान दिने र बैंकसंग जोडदै आत्मि सम्बन्ध बनाउने काममा लागेको बताए । स्थानीय सरकारहरूसँग सहकार्य गरी स्थानीय स्तरमा सञ्चालन भइरहेका कृषिसँग आधरित रहेका सामाजिक संघ संस्थाहरू र बैंक तथा सहकारीहरूसंग पनि सहकार्य गर्दै योजनाहरू अघि बढाइने उनले जानकारी गराए ।
पछिल्लो समय नेपाली बजार पूरै भारतीय बजारमा निर्भर रहेको र त्यसलाई नियन्त्रण गर्नका लागि खाद्य बैंक आवश्यक रहेको उनको भनाइ थियो । परनिर्भरता हटाउनका लागि स्वेदशमा युवाहरुलाई कृषिमा आकर्षित गर्ने र उत्पादनलाई बढावा दिनका लागि बैंकले पहल गर्नुपर्ने उनको भनाइ थियो । बैंकसँग दक्ष प्राविधिक, चिकित्सक, बैज्ञानिकहरू रहेको जनाउदै कृषिमा लागेकाहरुलाई उचित परामर्श दिलाउने र भविष्यमा सिंगो मुलुकलाइ कृषिमा आत्मनिर्भर बनाउन सकिने बैंकले जनाएको छ ।
बैंकको योजना अनुसार कार्यान्वयलाई पनि तिब्र गतिले अघि बढाइएको बताउँदै अध्यक्ष उप्रतीले अब टाइ–सुट लगाउनेहरू पनि केही वर्षपछि हलो जोत्न आफैं तम्सिने दाबी गरे ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies