रौतहट : आमाको हत्या गरी फरार रहेका एक पुरुषलाई रौतहट प्रहरीले पक्राउ गरेको छ । राजदेवी नगरपालिका वडा नं. १ पथरा टोलका मनोज साहले ६९ वर्षीया आमा राधा देवी साहको हत्या गरेको आरोप छ । दुई दाजुभाइबीच अंश विवादका कारण मनोजले गत जेठ ५ गते आमा राधा देवीलाई सिलौटोको लोहोरोले टाउको प्रहार गरी हत्या गरेका थिए ।
आमाको हत्यापछि फरार रहेका उनलाई जिल्ला प्रहरी कार्यालय रौतहटले खोजीको सूचीमा राखेको थियो । परिवारजन तथा आफन्तको सहयोगमा प्रहरीले फरार प्रतिवादी साहसँग सम्पर्क गरेपछि उनी आइतबार जिल्ला प्रहरी कार्यालयमा आएर हाजिर भएको जिल्ला प्रहरी कार्यालयका उपरीक्षक दिलिप घिमिरेले जानकारी दिए ।
उनलाई कर्तव्य ज्यान सम्बन्धी कसुर मुद्दामा कानूनी प्रक्रिया अगाडी बढाइएको उपरिक्षक घिमिरेले बताए ।
.jpg)
.jpg)
