तिलु शर्मा पौडेल/मध्यान्ह
दोहा, कतार : लोकदोहोरी क्षेत्रमा उदयमान नाम हो ई-नेपाल खबर । साँगीतिक आकाशमा लोकप्रिय बन्दै गइरहेको यस कम्पनीले अनलाइन रोधीघर मार्फत पाइला टेकेको हो । अनलाइन पत्रिका, लोकगीत निर्माण कार्यसँगै रोधी घर अर्थात् प्रत्यक्ष दोहोरी समेत आफ्नै युट्युब च्यानल मार्फत बजार व्यवस्थापन गर्दै आएको कम्पनीले नयाँ मौलिक झ्याउरे गीत "सिमफाँट" बजारमा ल्याएको छ ।
लोकप्रिय गायक तथा सर्जक कस्तुप पन्तको शब्द सिर्जनामा झ्याउरे गीत "सिमफाँट" सार्वजनिक गरिएको छ। युवा पुस्ताका लोकप्रिय सर्जक तथा गायक वसन्त थापा तथा चर्चित गायिका निशा केसीले सिमफाँटमा आफ्नो सुमधुर आवाज भरेका छन् । गाउँघरको सेरोफेरोमा गाइने मौलिक भाकालाई टपक्क टिपेर गायिका केसीले सङ्गीत सिर्जना गरेकी छिन् भने कमल सौरागले एरेन्ज गरेका छन् ।
काजिश श्रेष्ठको निर्देशनमा तयार भएको भिडियोमा लोमश शर्मा, अञ्जलि अधिकारी र जेम्स बिसी मुख्य भूमिका रहेका छन् । राजेश घिमीरेले खिचेका दृश्यलाई दीपक विष्टले सम्पादन गरेका हुन् । गीतको भिडियो त्रिकोणात्मक प्रेम कथामा बनेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies