हिमेश बि.क/मध्यान्ह
धनगढी : भारतका विभिन्न राज्य र स्थानबाट नेपाल फर्किरहेका नेपालीहरूमा कोरोना भाइरस संक्रमण बढेको भएपनि कुन भेरियन्टको हो भन्ने विषयमा प्रदेश सरकार अन्यJलमा रहेको थियो । त्यसका लागि हङकङ पठाइएको नमुनामा सुदूरपश्चिम प्रदेशमा देखिएको कोरोना भाइरसको भेरियन्ट ‘युके भेरियन्ट’ रहेको पुष्टि भएको छ ।
भारतबाट आउने अधिकांश नेपालीमा कोरोना भाइरसको संक्रमण पुष्टि हुन थालेको छ । त्यसमा सबैभन्दा बढी ‘युके भेरियन्ट’ रहेको पुष्टि भएको हो ।
धनगढीस्थित सेती प्रादेशिक अस्पतालका अनुसार पछिल्लो कोरोना भाइरसको प्रकार पत्ता लगाउन विभिन्न जिल्लाका २० जनाको नमुनाहरू गत चैत १५ गते काठमाडौं पठाइएको थियो । त्यसमध्ये तीन जनामा कोरोनाको नयाँ भेरियन्ट पुष्टि हुँदा त्यो भेरियन्टको प्रकार पत्ता लगाउन हङकङ पठाइएको नमुनामा तीन जनामा नै युके भेरियन्ट पुष्टि भएको तर, पर्याप्त परीक्षण हुन सकेको छैन ।
सुदूरपश्चिम प्रदेश सामाजिक विकास मन्त्रालयका प्रवक्ता नरेन्द्र सिंह कार्कीले मध्यान्हलाई जानकारी दिए । 'तर, युके मात्रै होइन त्यो भन्दा बढी जोखिमयुक्त भेरियन्टहरू पनि छन्,' उनले भने ।
कोरोनाको भेरियन्ट छुट्ट्याउन नमुना नेपाल बाहिर पठाउनुपर्ने बाध्यता छ । सुदूरपश्चिम प्रदेशमा अहिले भारतबाट आउने नेपालीहरू सँगै समुदायमा गरिएको परीक्षणमा समेत कोरोना पुष्टि हुने क्रम बढेको छ । गत चैत ११ गतेसम्म परीक्षणको तीन प्रतिशतमा पुष्टि भएको कोरोना अहिले २७ प्रतिशतले बढेर ३० प्रतिशत पुगिसकेको सेती प्रादेशिक अस्पतालले जनाएको छ ।
सुदूरपश्चिम प्रदेशमा कोरोना भाइरस संक्रमण दरमा निरन्तर बृद्धि आइरहेको छ । गत चैत महिनाको सुरुवातदेखि नै सुदूरपश्चिम प्रदेशमा कोरोना संक्रमण दरमा वृद्धि आइरहेको तथ्यांकहरूले देखाएको छ ।
भारतका महाराष्ट्र, दिल्ली, पञ्जाब, गुजरात, उत्तरप्रदेश लगायतका राज्य तथा शहरमा फेरि कोरोना भाइरस संक्रमण एकाएक ह्वात्तै बढेपछि गत चैत ३ गते भारतबाट फर्किनेहरूको सीमानाकामा परीक्षण गरिएको थियो । सोही दिन भारतबाट आउने नेपालीहरूमध्ये केहीमा कोरोना संक्रमण पुष्टि भएको थियो । त्यसयता सुदूरपश्चिम प्रदेशमा कोरोना भाइरस संक्रमण दर दिनप्रतिदिन बढ्दै गएको छ ।
प्रदेशका विभिन्न प्रयोगशालामा हालसम्म एक सय ७५ नमूना परीक्षण गरिएकोमा २६ जनामा संक्रमण पुष्टि भएको बताइएको छ । धनगढीस्थित सेती प्रादेशिक अस्पतालमा गरिएको परीक्षणमा १३ जनामा कोरोना पोजेटिभ देखिएको छ ।
महाकाली अस्पतालको प्रयोगशालामा २५ जनाको नमूना परीक्षण गरिएको थियो भने बैतडी जिल्ला अस्पताल बैतडीको प्रयोगशालामा १३ जनाको नमूना परीक्षण गरिएको थियो ।
डोटीको जोरायल गाउँपालिका, कञ्चनपुरको कृष्णपुर नगरपालिका र डडेलधुराको परशुराम नगरपालिकाका एक/एक जनामा युके भेरियन्ट कोरोना रहेको पुष्टि भएको छ । त्यसपछि भने कसैको पनि नमुनामा भेरियन्ट छुट्ट्याउनका लागि काठमाडौं पठाइएको छैन । एक चिकित्सकका अनुसार सुदूरपश्चिम प्रदेशमा फैलिएको कोरोना भारतमा जस्तै युके मात्रै नभएर अन्य मुलुकमा फैलिएको भेरियन्ट पनि पुष्टि हुने संकेत देखिएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies