तिलु शर्मा पौडेल/मध्यान्ह
दोहा कतार : कोरोनाको प्रकोप विश्वमा दैनिक बढिरहेको छ l दोस्रो चरणको नयाँ भेरियन्ट कोरोनाका कारण विश्वका अधिकॉश देशमा लकडाउन तथा प्रतिबन्ध लगाइएको छ l विश्वभर रहेका नेपालीहरू पनि कोरोनाबाट प्रत्यक्ष मारमा परेका छन् l लाखौँले रोजगारी गुमाएका छन् भने हजारौँ सङ्क्रमित छन् । सयौँको मृत्यु भएको छ l
हालसम्म भारतमा मात्रै सङ्क्रमणका कारण ज्यान गुमाउने नेपालीको सङ्ख्या ७१ पुगेको छ । यो सातामा साउदीमा थप एक जनाको सङ्क्रमणका कारण ज्यान गएको छ। एक तथ्याङ्क अनुसार भारतसहित विश्वभर २१ मुलुकमा रहेका ३ सय ८२ जना नेपालीको कोभिड १९ का कारणले निधन भएको छ ।
रोजगारीको मुख्य गन्तव्य रहेको खाडी राष्ट्र कतारमा कोरोनाका कारण २७ नेपालीको निधन भएको छ l नेपाली राजदूतावास कतारका द्वितीय सचिव भुवन भट्टका अनुसार पहिलो चरणको सङ्क्रमणका समयमा १८ नेपालीको मृत्यु भएको थियो भने नयाँ भेरियन्ट कोरोनाका कारण थप ९ नेपालीको निधन भएको छ l भट्टका अनुसार मृत्यु हुनेहरू सबै पुरुष रहेका छन् l
मृतकको शव नेपाल पठाउन नमिल्ने भए पछि परिवारसँगको अनुमति तथा सहमतिमा २२ जनाको कतारमै अन्त्येष्टि गरी सकिएको र थप ५ जनाको कागजी तथा कानुनी प्रक्रिया पुरा हुने प्रक्रिया रहेको द्वितीय सचिव भट्टले मध्यान्हलाई जानकारी दिए l कोरोनाबाट कतारमा हालसम्म ५१२ जनाको मृत्यु भई सकेको छ भने ८ हजार भन्दा बढी सङ्क्रमित रहेका छन् l
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies