काठमाडौं : प्रतिनिधिसभाको आजको बैठक पनि स्थगित भएको छ । विपक्षी दलहरूले अवरोध गरेपछि सभामुख देवराज घिमिरेले बैठक भोलिसम्मका लागि स्थगित गरेका हुन् ।
भिजिट भिसा प्रकरणमा गृहमन्त्री रमेश लेखकको राजीनामा माग गर्दै विपक्षी दलहरूले संसद् बैठक अवरोध गर्दै आइरहेका छन् ।
सो प्रकरणको छानबिन वा अध्ययन गर्ने भन्ने विषयमा सत्तारुढ दलहरूले लिखित प्रतिबद्धता जाहेर गर्ने बताएका छन् भने रास्वपाले यसमा निर्णय लिन समय माग गरेको छ ।
आगामी बैठक शुक्रबार दिउँसो १ बजेका लागि बोलाइएको छ ।
