गोकर्ण प्रसाद भण्डारी
बिश्व नै माहामारिमा परिरहेको बेला थोरै मानिसहरु सामाजिक कार्यमा संलग्न भए । नेपालमा पनि कोभिड- १९ दोस्रो लहरले देश पहिलो लहरमा भन्दा अझ बढि आक्रान्त बन्यो । दोस्रो लहरमा सैयौं नेपाली नागरिकहरुले अक्सिजन र अन्य औषधिजन्य सामग्रीको अभाबले मृत्युवरण गर्नु पर्याे ।
नेपालमा धेरैजसो नागरिकहरु अक्सिजन अभाबले नै मृत्यु भएको हामी सबैलाई जगजाहेर नै छ । दोलखाले अक्सिजनकै अभाबमा देशकै एक असल र दोलखालीहरुका अविभावक सांसद पशुपति चौलागाई गुमायो । त्यतिमात्रै हैन, कोभिडकै कारण जिल्लाले एक होनाहार पत्रकार रबिन्द्र गौतम र शिक्षाबिद् समाजसेबी श्रीकृष्ण दाहाल जस्ता थुप्रै नागरिक गुमाउँदा सिङ्गो जिल्ला शोकमा मात्रै परेन त्रासमा पनि रह्यो । यहि कोभिड आक्रान्त बनेको समाजलाई मलम लगाउने उदेश्यले दाङका युवाहरुको सिको गर्दै दोलखामा पनि हामीले "मेरो एक हजार अक्सिजन किन्नलाई" भन्ने अभियान चलाउने बारे छलफल भयो ।
यस पङ्तिकारसंगै दोलखाका अन्य पत्रकारहरु श्रृजनकुमार घिमिरे, सुजन काफ्ले, धनराज तमाङ, ब्यवसायी नबराज खड्काबीच सल्लाह बमोजिम हामीले उक्त अभियान संञ्चालन गरेर एक एक हजार रकम जम्मा गरेर अभियानको सुरुवात गरौं भन्दै सामाजिक सञ्जालमा आब्हान गर्यौं । सुरुमा मैले यो अभियान कसो होला भनेर फेसबुकमा राख्दा धेरैको सकारात्मक सल्लाह आएसँगै यो अभियानलाई अगाडि बढाएका थियौं । यो अभियानमा हामीलाई देश तथा बिदेशमा रहेका धेरै क्षेत्रका दुई सयभन्दा बढी दोलखालीहरुले सहयोग र साथ दिनु भयो । उहाँहरुलाई हामी अभियानका सुरुवात गर्ने टोलीको तर्फबाट हार्दिक आभार भन्न चाहान्छौं ।
यो अभियानलाई अत्यन्तै साथ र सहयोग गर्ने मित्र पुस्कर अधिकारीको पनि खटाई कम्ति महत्वपुर्ण छैन । यो अभियानलाई संस्थागत गर्दै हामीलाई सहयोग गर्नु हुने र यो अभियानमा हातेमालो गर्नु हुने नागरिक अगुवा एबं हाम्रो अभिभाबक चिरञ्जिबि मास्के प्रति पनि हार्दिक साधुबाद भन्न चाहन्छौं । कहिल्यै नकारात्मक नहुने युवाहरुको साथ र सहयोगका भरोसा मास्के दाइ यस्ता सामाजिक कार्यमा कहिल्यै नगरौं, यो आबश्यक छैन, यो बेठिक हो भन्ने मान्छे हैन । उहाँ सँधै सामाजिक कार्यका लागि अग्रभागमा रहेर कार्य गर्ने भएकैले मेरो एक हजार अक्सिजन किन्नलाई अभियानलाई संस्थागत गर्दै अक्सिजन किनेर बितरण नगरुन्जेल अन्तिम समय सम्म फिल्डमा खटिरहनु भयो । त्यसकारण पनि उहाँ प्रति हामी कृतज्ञ छौं । हामीले रकम संकलनमा पनि मास्के दाइ संरक्षक रहेकै बिष्णु लक्ष्मि साहित्य पुरस्कार समितिको खातालाई प्रयोग गरेर अगाडि बढेका थियौं ।
यो अभियानभन्दा पहिला नै दोलखामा राहत स्वरुप सहयोग संकलनका लागि दोलखाको बिकट दक्षिणी गाउँ क्षेत्रपाका साथिहरु आफ्नै गाउँका लागि केहि गरौं भनेर जुटिरहेका थिए । तर त्यो अभियानमा जुटिरहेका मित्रहरु पुस्कर अधिकारी, भरत श्रेष्ठ, रमेश श्रेष्ठहरु आफ्नो गाउँका लागि मात्रै सिमित भएनन् उनीहरुले पनि यो अभियानलाई ब्यापक ढङ्गले अगाडि बढाउन सहयोग पुर्याए ।
यो अभियानमा क्षेत्रपाका देखिएका र नदेखिएका थुप्रै साथिहरुको योगदानलाई हामी भुल्न सक्दैनौं । क्षेत्रपा यउटा त्यस्तो गाउँ रहेछ जहाँ प्रत्येक पाइला पाइलामा सामाजिक मनोभाबना भएका नागरिकहरु बसेको महसुस भयो अभियान सञ्चालन गर्दै गर्दा । खास गरि रकम ठुलो थिएन हामीले संकलन गरेको हजार तर क्षेत्रपाली युवायुवतीको करोडौं समाजिक भाबना प्रति हामी उच्च प्रशंसा गर्न चाहन्छौं । यो अभियानमा सबैभन्दा चासो र चिन्ता प्रकट गर्दै अत्यन्तै महत्वपुर्ण समय सहित आर्थिक, भौतिक र नैतिकरुपमा साथ दिनु हुने राप्रपाका केन्द्रीय नेता तथा समाजसेबी सोभित उप्रेती दाइप्रति पनि बिशेष सम्मान प्रकट गर्दछौं । उहाँले हामीलाई आर्थिक सहयोग मात्रै हैन, दोलखामा अक्सिजन झार्नसम्म निभाउनु भएको महत्वपुर्ण भूमिकाप्रति खुलेरै तारिफ गर्न चाहन्छौं । उहाँले दोलखाका हरेक सामाजिक कार्यमा आफ्नो उपस्थिति जनाउनु भएको मात्रै छैन हरेक अभियानलाई सहयोग गर्नु भएको छ । दोलखाली युवाहरुले उठाएको थोरै रकमको अक्सिजन किन्न पनि कम्ति कष्टप्रद थिएन । सबैभन्दा अभाबको सामग्रीकोरुपमा रहेको अक्सिजन सहज ढंगले ब्यवस्था मिलाई दिने सोभित दाइ प्रति हार्दिक आभार । अक्सिजन खोज्न पनि उहॉलाई मास्के दाइले अनुरोध गर्नु भएको थियो । मास्के दाइ र सोभित दाइप्रति हामी त्यसैले पनि यो अभियानको तर्फबाट बिशेष सम्मान भन्न चाहन्छौं ।
हाम्रो अभियानमा केहि अन्य ब्यक्तिहरुले निकै महत्वपुर्ण सहयोग गर्नु भयो । यो अभियानको तर्फबाट हामी सकेसम्म सबैलाई सम्झन चाहन्छौं । मेलेसियाबाट समाजसेबी तथा दोलखाली समाज मलेसियाका अध्यक्ष रमेश बस्नेत, समाजसेबी श्रबण कुमार श्रेष्ठ (श्रेष्ठले अभियानमा १ लाख ३० हजार सहयोग गर्नु भएको थियो ), जापानबाट श्याम ओली, रसियाबाट पार्शुक पोखरेल, साईप्रसबाट सबिता बुढाथोकीजस्ता परदेशमा रहनु भएका दर्जनौ युवाहरुले यो अभियानमा रकम मात्र हैन यो अभियानलाई जोडतोडले अगाडि बढाउन उल्लेख्य योगदान दिनु भयो । यो अभियानमा दोलखाबाट हामीलाई निकै ठुलो सहयोग गर्ने अबतार सिंह लामा, ध्रुव आचार्य, देबिका थामी, तिर्थ बहादुर खड्का, चन्द्र थामी, चन्द्रप्रसाद दाहाल, तुलसाङ लामा, कोरियाबाट केदार ओली, अमेरिकाबाट सानु शेर्पा, मलेसियाबाट रामकृष्ण थामी, पत्रकारहरु सुवास योञ्जन, मुरारी दुलाल, सन्तोष भुजेल, सुबास बस्नेत, चन्द्र खड्का अनन्त, समाजसेबीहरु कमल चौहान, सुरेन्द्र उप्रेती, बिष्णुवरसिंह थापालगायत प्रति पनि हार्दिक आभार भन्न चाहान्छौं । खासगरी यो अभियान ठुलो त नहोला तर यो अभियानले देश तथा बिदेशबाट जुटेका युवाहरुको सहभागिता नै महत्वपुर्ण रह्यो । यो अभियानमा करिब ४ लाख ८५ हजार रकम संकलन गरेर हामीले पाँच लाख भन्दा माथि खर्च गर्यौं । यो अभियानमा अहोरात्र खटेर सहयोग गर्ने देश तथा बिदेशमा रहनु भएका दोलखाली र अन्य जिल्लाका केहि साथिहरुप्रति पनि बिशेष आभारी छौं । यो अभियान चल्दै गर्दा हाम्रो अभियानबाट प्रभाबित भएर थुप्रै नागरिकहरु पनि आ- आफ्नै शैलिमा सहयोग जुटाई रहेका थिए । जापानमा रहनु हुने नेपाली कांग्रेसका नेता सम्भु केसी गौरीशंकर बिजनेस ग्रुपको नामबाट रकम संकलन गरि दोलखालीहरुलाई सहयोग गर्न आतुर देखिन्थे र उनले दोलखामा निकै सहयोग समेत गरे । उनलाई आफ्नै किसिमले सहयोग गर्याे भनेर दोलखाली समाजले समेत कारबाहिसमेत गरेको बुझिएको थियो । तर केसीले हिम्मत नहारी परदेशबाट जिल्लालाई सहयोग गरिरहे ।
हामीलाई संस्थागत सहयोग समेत गरेका केहि संस्थाहरुको पनि यहाँ नाम लिन चाहन्छौं । यो अभियानमा संस्थागत सहयोग गर्ने परदेशीहरुकै अगुवाईमा खुलेको स्मार्ट दोलखा स्वतन्त्र आवाज, दोलखाली समाज युयई, दोलखाली समाज अष्ट्रेलियालगायतका परदेशी संस्थाहरु प्रति पनि बिशेष आभार सहित यो अभियानमा सहयोग गर्ने सबैलाई सम्मान प्रकट गर्न चाहान्छौं । खासगरी अभियानमा रकम थोरै संकलन भएपनि हाम्रो उदेश्य पनि सानो सहयोगबाट नै गरिव र निमुखाहरु बिरामी पर्दा अक्सिजन अभाबले मृत्युबरण गर्न नपरोस भन्ने नै थियो । यो अभियानले अक्सिजनसहितको २५ वटा सिलिण्डर र १२ वटा रेगुलेटर खरिद गरेर दोलखाको सिङटी असपताल, जिरी अस्पताल ,चरिकोट अस्पताल, बैतेश्वर अस्पतालमा पु¥याएका छौं । एक हजारबाट सुरु भएको अभियानले पाँच लाख जन्माउने तपाई सबैप्रति नमन । थोपा थोपा मिलेर सागर बन्छ भनेझैं हजार हजारले पाँच लाख जन्मायो । यो अभियानको उदेश्य पनि यहि थियो । यो अभियानमा तन मनसहित लाग्ने आर्थिक सहयोग गर्ने सबैलाई हार्दिक आभार । जिल्लाका सम्पूर्ण सहयोगी मनहरु स्वस्फूर्तरुपमा केही कर्म गर्न सफल भयौं । दीवन त जसरी कसरी चवेरै हुन्छ तर कुनै विपतको सामना गर्ने पाठ हामीले सिक्न पाएका छौं। पुन: सहयोगी सम्पूर्ण पवित्र मनहरुप्रति हार्दिक नमन !
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies