दैलेख : दैलेखमा मुंग्रो प्रहार गरी श्रीमानको हत्या गरेको आरोपमा प्रहरीले श्रीमातीलाई पक्राउ गरेको छ । पक्राउ पर्नेमा जिल्लाको नारायण नगरपालिका–११ टाटामाखु ३३ बर्षीया सुसिला मल्ल रहेकी छिन् । ३५ बर्षीय खगेन्द्र मल्लको हत्या गरेको आरोपमा प्रहरीले उनकी श्रीमतीलाई पक्राउ गरेको हो ।
सुशीलाले विहीबार राति साढे ९ बजे श्रीमान खगेन्द्रलाई मुङग्रोले टाउकोमा प्रहार गरेको दैलेख प्रहरी प्रमुख डिएसपी श्रेष्ठले बताए । घरमा भएको किला ठोक्ने काठको मुङग्रोले पति खगेन्द्रको टाउकोमा हानी हत्या गरेको जाहेरीका आधारमा प्रहरीले सुशीलालाई नियन्त्रणमा लिएको हो ।
उनले मादक पदार्थ सेवन गरेर घरमा श्रीमतीसँग विवाद भएको र निरन्तर पीडा दिने गरेकाले पीडा सहन नसकी हत्या गरेको प्रहरीको प्रारम्भिक अनुसन्धानले देखाएको छ ।
‘घरायसी सामान्य विवाद भएको भन्ने प्रारम्भिक अध्ययनले देखाएको र थप अनुसन्धानका लागी श्रीमती मल्ललाई पक्राउ गरिएको र अनुसन्धान जारी रहेको छ । ’ डिएसपी श्रेष्ठले भने । मृतकको शुक्रवार नै दैलेख अस्पतालमा पोस्टमार्टम गरिएको छ । मृतक खगेन्द्रका तीन छोरी छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies