गोमती पाल/मध्यान्ह
महेन्द्रनगर : भीमदत्त नगरपालिका ६ ऐठपुरका दुई युवकलाई खैरो हिरोइनसहित पक्राउ गरिएको छ । सशस्त्र प्रहरीको बोर्डर आउट पोष्ट भुडाको टोलीले ऐठपुरका १८ वर्षीय सुमित डगौरासहित दुई जनालाई खैरो हिरोइनसहित पक्राउ गरेको हो ।
उनीबाट ७ दशमलव ६५ ग्राम हिरोइन बरामद गरिएको छ । सशस्त्र प्रहरीका अनुसार बेलडाँडी गाउँपालिका ३ सिमलडाँडीका १९ वर्षीय विशाल चौधरीलाई पनि उनीसँगै पक्राउ गरिएको छ ।
चौधरीले चलाएएको से ४ प ९४१९ नं. को मोटरसाइलकमा सवार दुबै जनालाई जाँच गर्दा डगौरासित हिरोइन भेटिएको प्रहरीको दाबी छ । उनीहरु दुबैलाई इलाका प्रहरी कार्यालय बेलडाँडीलाई बुझाइएको छ । भारतीय सीमावर्ती क्षेत्रबाट हिरोइन ल्याएको हुन सक्ने सशस्त्र प्रहरीको आशंका छ । पछिल्लो पटक बेलडाँडीबाट लागूऔषध खैरो हिरोइनसहित धेरैलाई पक्राउ गरिएका छन् ।
सशस्त्र प्रहरी बल नेपाल नं. ३५ गण शैलेश्वरी झलारीका इन्चार्ज सशस्त्र प्रहरी उपरीक्षक विरेन्द्र बहादुर ऐरले बोर्ड आउट पोष्टको गस्ती टोलीले उनीहरुलाई पक्राउ गरेको जानकारी दिएका छन् । उनले तस्करी सहित सीमा अपराध रोकथामका लागि सशस्त्र प्रहरीले दैनिक सीमा गस्ती गर्दै आएको बताए ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies