काठमाडौँ : गायिका नितु पौडेलको पार्थिव शरीरको पशुपति आर्यघाटमा अन्त्येष्टि गरिएको छ । शनिबार दिउँसो परिवारले उनको शव पोस्टमार्टमपछि अन्त्येष्टि गरेको हो । गत शनिबार अनामनगरस्थित एक स्टुडियोमा आत्मदाह प्रयास गरेकी नितुको उपचार क्रममा शुक्रबार निधन भएको थियो ।
नितुले गत शनिबार दिउँसो संगीतकार तथा गायक बाबुल गिरीको स्टुडियोमा आफैमाथि आगो लगाएर आत्मदाह प्रयास गरेकी थिइन् । त्यहाँबाट उनलाई उद्धार गरेर कीर्तिपुर बर्न अस्पताल लगिएको थियो ।
नितुको मृत्युपछि उनको परिवारले बाबुल गिरीविरुद्ध जाहेरी दिएको थियो । प्रहरीले बाबुलाई आत्महत्या दुरुत्साहन मुद्दामा पक्राउ गरेर अनुसन्धान गरिरहेको छ ।
