काठमाडौं : काभा वुमन्स नेसन्स भलिबल लिगको उपाधि भारतले जितेको छ । बुधबार भएको फाइनल खेलमा नेपाललाई पराजित गर्दै भारतले उपाधि जितेको हो ।
भारतले नेपाललाई ३-२ को सेटमा पराजित गर्यो । पहिलो सेट नेपालले २५-२३ अंकले आफ्नो पक्षमा पार्यो । दोस्रो सेट भारतले २५-१४ ले आफ्नो पक्षमा पार्यो ।
तेस्रो सेट जित्दै नेपालले २-१ को अग्रता बनायो । तर चौथो सेट २५-२२ ले जित्दै भारतले खेल बराबरी गर्यो ।पाँचौं सेटमा नेपाललाई पराजित गर्दै भारतले उपाधि चुमेको हो ।
