काठमाडौं : हिन्दु महिलाहरुको महान पर्व तिज नजिकिदै गर्दा तिज गीत सार्वजनिक गर्ने क्रमको प्रतिस्पर्धा नै चलेको छ । यस्तैमा नायिकाहरु शर्मिला मल्ल, अन्जली अधिकारी र एलिशा शर्मा अभिनित तिज गीत ‘नाच्ने हो हिल भाँच्ने गरी’को भिडियो सार्वजनिक भएको छ । तीन दिन अगाडि सार्वजनिक गीतको भिडियोले सन्तोषजनक भ्युज बटुलिरहेको छ ।
गीतकार डीपी खनालको शब्दरचना, शंकर थापा ‘स्माइल’को संगीत र गायिका निता आचार्यको स्वर रहेको यस मौलिक तिज गीतमा गत वर्ष तिज पर्व मनाउन नपाएकोले यसपाली सबै मिलेर तिजलाई रमाइलो गरी मनाऔं भन्ने भाव प्रस्तुत गरिएको छ । केशवराज भट्टको कोरियोग्राफी र निर्देशनमा बनेको गीतको भिडियोमा नवराज उप्रेतीको सिनेमाटोग्राफी र मिलन विश्वकर्माको सम्पादन रहेको छ ।
विषम आचार्यको संगीत संयोजन रहेको यस गीतको भिडियोलाई गायिका निता आचार्यको अफिसियल युट्युब च्यानलमार्फत सार्वजनिक गरिएको छ ।
