काठमाडौँ : नेकपा (एमाले) का अध्यक्ष केपी शर्मा ओलीले पार्टीभित्रका सानातिना असमझदारी र मतभेद व्यवस्थापन गर्दै आन्तरिक एकता सुदृढ बनाउन नेता-कार्यकर्तालाई आग्रह गरेका छन् ।
गण्डकी, लुम्बिनी, कर्णाली र सुदूरपश्चिमका प्रदेश तथा जिल्ला कमिटीका सचिवालय सदस्यलाई भर्चुअल सम्बोधन गर्दै ओलीले आगामी निर्वाचनको तयारीमा जुट्न निर्देशन दिए । उनले संगठन विस्तार, जनसम्बन्ध र अनुशासनमा जोड दिँदै सूचना प्रविधिमार्फत हुने राजनीतिक प्रचारमा सक्रिय हुन पनि आग्रह गरे ।
महासचिव शङ्कर पोखरेलले पार्टी सदस्यता अभिलेखीकरण असोज मसान्तसम्म पूरा गर्नुपर्ने जानकारी दिँदै युवालाई संगठनमा जोड्ने कार्यक्रम अघि बढाइने बताए । भर्चुअल कार्यक्रममा पार्टी उपाध्यक्षहरू रामबहादुर थापा 'बादल', विष्णुप्रसाद पौडेल तथा सचिवहरू भानुभक्त ढकाल, पद्मा अर्याललगायत नेताहरूको सहभागिता थियो ।
.jpg)
.jpg)
.jpg)
.gif)
