दाङ : दाङको गढवामा श्रीमानले तरकारी पकाउने कराही प्रहार गर्दा एक महिलाको मृत्यु भएको छ । गढवा गाउँपालिका–२, पचहिया निवासी २६ वर्षीय रन्जित चौधरीले श्रीमती कमलालाई तरकारी पकाउने कराही प्रहार गरेका थिए ।
कराही प्रहार गरी गम्भीर घाइते कमलाको क्रिमसन हस्पिटल बुटवलमा उपचारका क्रममा आइतबार बिहान मृत्यु भएको इलाका प्रहरी कार्यालय गढवाकी प्रहरी निरीक्षक कालिका कार्कीले जानकारी दिइन् ।
यहि जेठ २४ गते राती करिब ९ बजे रन्जितले श्रीमतीमाथि कराही प्रहार गरेका थिए । रन्जितलाई इलाका प्रहरी कार्यालय गढवाले नियन्त्रणमा लिएर घटनाबारे थप अनुसन्धान गरिरहेको छ ।
.jpg)
.jpg)
