काठमाडौं : म्युजिक भिडियो निर्देशनको क्षेत्रमा पृथक पहिचान बनाएकी बबिता श्रेष्ठ ‘मलेकु’को निर्देशनमा तयार भएको नयाँ म्युजिक भिडियो ‘उत्ताउलो जवानी’ शुक्रबार एक कार्यक्रमका बीच सार्वजनिक गरिएको छ । वरिष्ठ संगीतकार सुरेश अधिकारीको प्रमुख आतिथ्यतामा भिडियो सार्वजनिक गरिएको थियो ।
गायिका अनु चौधरी र संगीतकार स्वयं सिडी विजय अधिकारीको स्वर रहेको गीतको भिडियोमा सागर लम्साल ‘बले’, अलिसा शर्मा र ग्रीष्मा पौडेललगायतले अभिनय गरेका छन् ।
कथानक चलचित्रहरुमा प्रस्तुत गरिने आइटम नृत्यको शैलीमा तयार भएको गीतले दर्शकहरुको मन सजिलै जित्न सकिने विश्वास निर्देशक बबिता श्रेष्ठले लिएकी छन् ।
नृत्य निर्देशन रोशन विश्वकर्मा, शब्द सुजन कोइराला, सिडी विजय अधिकारीको संगीत रहेको गीतको भिडियो उत्तम हुमगाईंले खिचेका हुन् ।
