सुरेश भट्ट आश्रिन : नेपाली समाज होक्काइडो जापानको आयोजनामा बृहत् सांस्कृतिक 'तिज धमाका' आयोजना हुने भएको छ ।
महिला दिदिबहिनीहरूको महान् पर्व हरितालिका तिजको अवसर पारेर नेपाली समाज होक्काइडो जापानले भोलि 'तिज धमाका' कार्यक्रम आयोजना गर्न लागिएको होकाइतो स्थित नेपाली समाजका अध्यक्ष राजन गिरिले जानकारी दिए ।
उक्त कार्यक्रममा सांगीतिक प्रस्तुति दिन पछिल्लो समयकी व्यस्त तथा चिरपरिचित लोक तथा दोहोरी गायिका समीक्षा अधिकारी होक्काइडो पुगिसकेकी छिन् । उनको प्रस्तुतिमा युवराज आचार्यले साथ दिने कार्यक्रम सञ्चालिका चाहना पुरीले जानकारी दिएकी छन् ।
भोलि सेप्टेम्बर-२ सोमबार कडेरु सभाहलमा उपस्थित हुन होक्काइडोमा रहेका महिला दिदिबहिनीहरूलाई आयोजक संस्थाले हार्दिक आह्वान गरेको छ ।
