काठमाडौं : नेपाली कांग्रेसको शुभेच्छुक संस्था नेपाल लोकतान्त्रिक वैदेशिक रोजगार व्यवसायी एशोसिएसनले बीपी कोइरालाको १११औं जन्मजयन्तीको अवसरमा राजधानीमा वृक्षारोपण कार्यक्रम गरेको छ ।
नेपाली कांग्रेसका महामन्त्री विश्वप्रकाश शर्माको प्रमुख आतिथ्यतामा एशोसिएसनले पशुपतिको विश्वरुपा क्षेत्रमा सोमबार वृक्षारोपण गरेको हो । कार्यक्रममा महामन्त्री शर्मासहित नेपाली कांग्रेसका केन्द्रीय सदस्य एवम् वैदेशिक रोजगार आप्रवासन विभाग प्रमुख प्रकाश रसाइली स्नेहीसहित विभागका सदस्यहरू, एशोसिएसन अध्यक्ष दीपक थापा तथा कार्यसमिति सदस्य रहेका व्यवसायीहरूको सहभागिता रहेको थियो ।
नेपाली कांग्रेसले भ्रातृ तथा शुभेच्छुक संस्थाहरूको समन्वय तथा सहभागितामा पार्टीका संस्थापक तथा विचारक स्व. कोइरालाको स्मृतिमा विभिन्न कार्यक्रम गर्दै आएको छ । एशोसिएसन अध्यक्ष थापाले बीपी स्मृतिमा रचनात्मक कार्य गर्ने निर्णयअनुसार पार्टीका महामन्त्रीको प्रमुख आतिथ्यतामा वृक्षारोपण कार्य सम्पन्न गरिएको बताए ।
