एजेन्सी : इरानी तेल ट्यांकर नछाड्न अमेरिकाले गरेको आग्रहलाई जिब्राल्टारले अस्वीकार गरेको छ । इरानविरूद्धको अमेरिकी प्रतिबन्ध ईयूमा लागु नहुने भन्दै जिब्राल्टारले अमेरिकी आग्रह अस्वीकार गरेको हो ।
अमेरिकाले जहाजको सम्बन्ध आतंककारी घोषित गरिएको इरानको ईस्लामिक रेभोलुस्नरी गार्डसँग रहेको भन्दै पक्राउको आग्रह गरेको थियो । रेभोलुस्नरी गार्डलाई इयुले भने आतङ्कवादी संगठन मानेको छैन । सिरियाका लागि तेल ओसारिरहेको आशंकामा जुलाई महिनामा सो तेल ट्यांकर पक्राउ परेको थियो ।
बेलायत स्वशासित क्षेत्र जिब्राल्टारको सरकारले ईयूका प्रतिबन्ध तोडेको आरोपमा सो जहाज पक्राउ गरेको थियो । सो घटनापछि बेलायल र इरानविच पनि विवाद बढेको थियो । इरानको आणविक कार्यक्रमका बिषयमा इरान र पश्चिमी मुलुकहरुबीच केही समयदेखि तनावको स्थिती रहेको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies