पर्सा : पर्साको धोबीनी गाउँपालिकाको १० औं गाउँसभा सम्पन्न भएको छ । असार १० गतेभित्रै हुनुपर्ने गाउँसभा तीन महिना ढिलो आएको हो ।
शुक्रबार आयोजित गाउँसभामा चालू आर्थिक वर्ष २०८१/८२ को नीति, कार्यक्रम तथा गाउँ सभाबाट ३९ करोड १ लाख ५५ हजार बराबरको बजेट पारित गरी प्रस्तुतीकरण गरिएको थियो ।
गाउँसभामा धोबीनी गाउँपालिकाकी उपाध्यक्ष मञ्जुदेवी पटेलको आदेशा अनुसार प्रमुख प्रशासकीय अधिकृत अशोक प्रसाद रौनियारले ३९ करोड १ लाख ५५ हजार बराबरको अनुमानित बजेट प्रस्तुतीकरण गरेका थिए ।
धोबिनी गाउँपालिकाको गाउँसभा धोबीनी गाउँपालिकाको सभा हलमा भएको गाउँसभाको उद्घाटन गाउँपालिका अध्यक्ष मदन प्रसाद चौहानले गरेका थिए ।
गाउँ सभामा बोल्दै गाउँपालिका अध्यक्ष चौहानले भने, ‘राजनीतिक समस्याको कारण गाउँ सभा ढिलाइ भएको हो । यस कारण विकासको काम र जनताहरुको कामकाज समस्या भइरहेकोले गाउँसभा गरिएको हो ।’ उनले अब विकास लगायत जनताहरुको कामकाज छिटो छरितो हुने प्रतिबद्धता जनाए ।
गाउँ सभामा शिक्षा, स्वास्थ्य, कृषि,पर्यटन,महिला बालबालिका र भौतिक पूर्वाधार विकास लगायतलाई प्राथमिकतामा रहेको उनले बताए । कार्यक्रमको सहजीकरण स्वास्थ्य शाखा प्रमुख सञ्जय यादवले गरेका थिए ।
