दोहा कतार : युवा पुस्ताका चर्चित र्यापर लाहुरे कतार आउने भएका छन् । दोहाको मुटु मुग्लिनामा रहेको भिआइपी होटेलको मीजाइनिन फ्लोरमा रहेको ‘प्लानेट लन्ज एन्ड क्लब’ले आयोजनाको घोषणा गरेको सांगीतिक कार्यक्रममा आफ्नो सांगीतिक प्रस्तुति दिन चर्चित र्याप र आशिश राना उर्फ लाहुरे कतार आउने भएका हुन् ।
केही नेपाली व्यवसायी सञ्चालनमा ल्याएको उक्त क्लबमा पहिलो पटक नेपाली इभेन्टको आयोजना गर्न लागिएको हो । नेपालबाट लाहुरे सहित कम्पनी ब्यान्ड पनि आउने भएको छ । लाइभ ब्यान्डका साथमा लाहुरेले आफ्ना चर्चित गीतहरू गाउनेछन् ।
कार्यक्रममा पुरुषका लागि प्रवेश शुल्क एक सय र महिलाका लागि पचास कतारी रियाल कायम गरिएको कार्यक्रम संयोजक रोशन अर्यालले जानकारी दिए । अर्यालले कार्यक्रमका लागि क्लबको ढोका दिउँसो ५ बजेबाट खुल्ने र साँझ ७:३० बजेबाट १० बजेसम्म सांगीतिक प्रस्तुति रहने बताए ।
पछिल्लो समय हिमालयन रोडिजका जज सहित मोटिभेटर र्यापरका रूपमा समेत चर्चित लाहुरेले र्यापका अलावा थुप्रै विधाका गीत गाउने गरेका छन् । नेपाली कला, गीत, सङ्गीतलाई माया गर्ने सबैलाई कार्यक्रममा उपस्थितिका लागि क्लब सञ्चालकले अनुरोध गरेका छन् । थप जानकारीका लागि कार्यक्रम संयोजक रोशन अर्याललाई ७०६६५६४४ मा सम्पर्क गर्न सकिने बताइएको छ ।
