काठमाडौं : मेक्सिको र ग्वाटेमालाको सिमानामा नेपालीसहित ६ आप्रवासी मारिएका छन् । मृत्यु हुनेमा नेपाल, भारत र पाकिस्तानका ६ आप्रवासी रहेको बताइएको छ ।
बुधबार मेक्सिकोको चियपसस्थित हुक्स्लामा ३३ जना आप्रवासी बोकेको ट्रकमा मेक्सिकन सेनाले गोली चलाउँदा ६ जनाको मृत्यु भएको हो ।
ग्वाटेमाला सिमानामा मारिएका नेपालीलगायत भारतीय र पाकिस्तानी आप्रवासी कुन ठाउँका को थिए भन्नेबारे विस्तृत खुलाइएको छैन । उनीहरू अमेरिका जानका लागि ट्रकमा चढेको हुन सक्ने जनाइएको छ ।
मेक्सिकन सैनिकले ती ट्रकमा गोली चलाउँदा चार जनाको तत्कालै मृत्यु भएको थियो भने दुई जनाको पछि मृत्यु भएको हो ।
आप्रवासीहरूले बन्दुकलगायत हतियार बोकेको आशंकामा सैनिकले गोली चलाए पनि गाडीभित्र कुनै हतियार नभेटिएको रिपोर्टमा जनाइएको छ । गाडीभित्र रहेका अरु १७ आप्रवासी भने सुरक्षित छन् भने १२ जना घाइते भएका छन् ।
.jpg)
