काठमाडौं : टोखा नगरपालिकाले शनिबार २२औं हप्ताको विष्णुमती सफाइ अभियान सम्पन्न गरेको छ । नगरपालिकाले शनिबार बिहान टोखा ३ को धनेश्वर पुल क्षेत्रमा रहेको खोला किनारको सफाइ, ड्रेन सफाइ र झाडी हटाउने कार्य सम्पन्न गरेको हो । त्यस्तै अभियानकर्मीहरुले फुटपाथ सडक संरक्षणका लागि झाडी हटाउँदै सफा गरेका थिए ।
कार्यक्रममा नगर प्रमुख प्रकाश अधिकारी, वडाका जनप्रतिनिधिहरु, कर्मचारी, स्वास्थ्यकर्मी, नगर प्रहरी सामाजिक अभियान्ताहरु, सरसफाइकर्मी, लायन्स क्लव अफ काठमाडौं शुभआरम्भ, सशस्त्र प्रहरी र स्थानीयहरुको बाक्लो सहभागिता रहेको थियो ।
टोखा नगरपालिकाले २५औं हप्ताको सफाइ अभियानको दिन विशेष कार्यक्रम गरेर सामाजिक अभियन्ता र सफाइ अभियानकर्मीलाई सम्मान तथा अवार्ड प्रदान गर्ने भएको छ ।
.jpg)
