पर्सा : लागुऔषध दुव्र्यसनीका कारण कुलतमा फसेका युवाहरुलाई सही बाटोतर्फ उन्मुख गर्न पर्साको पोखरियामा सुधार केन्द्र स्थापना गरिएको छ । वडा नं ४ पोखरियामा पोखरिया सुधार केन्द्रको शुक्रबार एक कार्यक्रमकाबीच पोखरीया नगरपालिका नगर प्रमुख प्रधुमन प्रसद चौहानले उद्घाटन गरेका छन् ।
वीरगञ्जमा रहेको सुधार केन्द्रले पहिलो पटक ग्रामिण भेगमा रहेको गाउँहरुलाई समेट्ने गरी पोखरिया सुधार केन्द्रको स्थापना गरिएको पोखरिया सुधार केन्द्रका संयोजक सुजित गिरीले जानकारी दिएकी छन् । कुलतमा फसेका युवा,युवतीहरुलाई पहिचान गरी सुधारको सक्दो प्रयास गरिने संस्थाको मुख्य उद्देश्य रहेको राजिङ नेपाल संस्थाको संस्थापक अध्यक्ष एवम् पोखरिया सुधार केन्द्रको निर्देशक मन्टु गिरीले जनाए ।
पोखरिया सुधार केन्द स्थापना गर्नको लागि पोखरिया नगरपालिकाका नगर प्रमुख चौहानको सराहनिय योगदान रहेको गिरीले बताए । पोखरिया सुधार केन्द्रको सञ्चालन पश्चात निकट भविष्यमा नगरपालिकाले सक्दो सहयोग गर्ने र पोखरिया नगरपालिका लगायत आसपासका ग्रामीण क्षेत्रलाई लागुऔषधमुक्त बनाउने नगरपालिकाले सक्दो सहयोग गर्ने नगर प्रमूख चौहानले बताए ।
लागुऔषध दुव्र्यसनीमा फसेका युवा, युवतीहरुलाई कम्तीमा नौ महिनासम्म केन्द्रमा राखेर उपचार गरिने पोखरिया सुधार केन्द्रले जनाएको छ । पोखरिया सुधार केन्द्रको उद्घाटन कार्यक्रममा पोखरिया नगरपालिका वडा नं ४ का वडाध्यक्ष लक्ष्मण साह कानु, कार्यपालिका सदस्य रामबचन महतो,फरमान आलम र सन्तोष गिरी लगायतको उपस्थिति रहेको थियो ।
