काठमाडौं आइतबार पुनः सुनको मूल्यले नयाँ कीर्तिमान कायम गरेको छ । कात्तिक ७ गतेको उच्च मूल्य एक लाख ६६ हजार सात सयको रेकर्ड तोडेर आज १४ सयले बढ्दै पुनः छापावाल सुनको मूल्यले नयाँ कीर्तिमान कायम गरेको हो ।
योसँगै आज छापावाल सुन तोलामा एक लाख ६७ हजार चार सय कायम भएको नेपाल सुनचाँदी व्यवसायी महासंघले जनाएको छ ।
यस्तै, आज चाँदीको मूल्य पनि बढेको छ । शुक्रबार प्रतितोला दुई हजार ७० रुपैयाँमा कारोबार भएको चाँदी आज तोलामा दुई हजार ८५ रुपैयाँ कायम भएको महासंघले जनाएको छ ।
