काठमाडौं : नेपाल प्रिमियर लिग (एनपीएल) स्टार स्पोर्ट्स च्यानलबाट प्रत्यक्ष प्रसारण हुने भएको छ ।
नेपाल क्रिकेट संघ (क्यान)ले शुक्रबार एक कार्यक्रम आयोजना गरेर खेल क्षेत्रको प्रशिद्ध टेलिभिजन स्टार स्पोर्ट्सबाट प्रत्यक्ष प्रसारण हुने जानकारी दिएको हो ।
क्यान सचिव पारस खड्काले बोर्डकास्टिङका लागि स्टार स्पोर्ट्सलाई नै जिम्मेवारी दिएको बताए ।
स्टार स्पोर्ट्समा प्रसारण नगरेसम्म विश्वका ठूल्ठूला क्रिकेटरलाई नेपालमा ल्याएर खेलाउन सम्भव नरहेको उनको भनाइ छ ।
एनपीएल १५ मंसिरदेखि ६ पुससम्म चल्नेछ । यस्तै एनपीएलको टाइटल स्पोन्सर सिद्धार्थ बैंक रहेको सचिव खड्काले जानकारी दिए ।
