काठमाडौं : गायक महेश काफ्ले र गायिका अस्मिता अधिकारीले इन्गेजमेन्ट गरेका छन् । महेशले सामाजिक सञ्जालमार्फत आफूहरूले इन्गेजमेन्ट गरेको जानकारी दिएका छन् ।
दुबईको बुर्ज खलिफाको अगाडि खिचिएको तस्बिर पोष्ट गर्दै काफ्लेले लेखेका छन्, ‘सहयात्राको यो शुरुवात । हामी इन्गेज्ड भएका छौं । अस्मिता अधिकारी आई लभ यू ।’
गायक काफ्ले र अधिकारी लामो समयदेखि प्रेम सम्बन्धमा थिए । अहिले उनीहरूले आफ्नो सम्बन्धलाई औपचारिकता दिएका हुन् ।
उनीहरु दुबै जना अहिलेकाे चर्चित गायक गायिका हुन् । उनीहरुकाे दर्जनाै गीत चर्चामा रहेका छन् ।
