काठमाडौं : नेपालकै पहिलो केबलकार, मनकामना केवुलकार २६औँ वर्ष पूरा गरी २७औँ वर्षमा प्रवेश गरेको छ । मनकामनामा शुरूवाती वर्षमा १० लाख यात्रुहरूलाई सेवा दिएको मनकामना केबलबारले अहिले वार्षिक १२ लाख यात्रुलाई सेवा दिँदै आएको जनाएको छ । यस वर्ष १३ लाख ५० हजार यात्रुलाई सेवा दिने लक्ष्य केबलकारले लिएको छ ।
‘२६ वर्ष पुगिसकेको एनालग प्रविधिको मर्मत सम्भार गर्नुका साथै स्पेयर पार्टस् समेत पाउन कठिनाई हुने स्थितिलाई मध्यनजर गर्दै हामीले यस प्रविधिलाई हालकै नवीनतम् डिजिटल प्रणालीमा स्तरोन्नति गरेका छौं’, मनकामना केबलकारले जनाएको छ ।
मनकामनामा केबलकार हाताभित्र नै सुविधा सम्पन्न रिसोर्ट निर्माण कार्य पनि अन्तिम चरणमा पुगेको छ । यो रिसोर्टमा स्वीमिङ पुल, हेल्थ क्लब, सभा सेमिनार हल र रेष्टुरेन्टको सुविधा हुने कम्पनीले जनाएको छ । रिसोर्ट संचालन आएपछि मनकामना र वरिपरिका क्षेत्रलाई धार्मिक साथै अन्य पर्यटकीय महत्वका साथ गन्तव्य बनाउने हाम्रो लक्ष्य रहने कम्पनीले जनाएको छ ।
