काठमाडौं : मुक्तिनाथ विकास बैंकका ग्राहकहरूलाई काठमाडौँ–३ लाजिम्पाटस्थित ‘जेनो फार्मेसी प्रालि’ र ‘निर्भाना फिजियोथेरापी एन्ड वेल्नेस सेन्टर’का सेवामा छुट हुने भएको छ ।
बैंक, फार्मेसी र सेन्टरबीच विभिन्न औषधि र स्वास्थ्यसम्बन्धी सेवा खरिद र डेलिभरीमा छुट प्रदान गर्ने गरी सम्झौता भएअनुसार बैंकका ग्राहकले ती सेवा प्रदायक व्यावसायिक संस्थामा छुट पाउने भएका हुन् ।
सम्झौतापश्चात बैंकका कर्मचारी र ग्राहकहरूले लाजिम्पाट र भक्तपुर शाखा कार्यालयबाट विभिन्न औषधि र स्वास्थ्यसम्बन्धी सामग्री खरिदमा २५ प्रतिशतसम्म छुट प्राप्त गर्न सक्ने बैंकले जनाएको छ ।
