काठमाडौं : प्रभु बैंक लिमिटेडले जाजरकोटको भेरी नगरपालिका वडा नं. ४ स्थित खलंगा बजारमा आफ्नो ३०७औं शाखा कार्यालय सञ्चालनमा ल्याएको छ ।
बैंकको जाजरकोट शाखामार्फत स्थानीय, सर्वसाधारण, व्यावसायिक फर्म, कम्पनी तथा संघ संस्थाहरुले गुणस्तरीय सेवा उपभोग गरी लाभान्वित हुने र यस क्षेत्रको समग्र आर्थिक उन्नतीमा महत्वपूर्ण भूमिका निर्वाह गर्ने बैंकको विश्वास छ ।
हालसालै “बैंक अफ द इयर २०२३”को उपाधिबाट सम्मानित प्रभु बैंकका नेपालभर ३०७ शाखा कार्यालयहरु, २८६ एटीएम तथा ७० एक्सटेन्सन काउन्टरमार्फत ३१ लाखभन्दा बढी ग्राहकलाई बैंकिङ एवम् वित्तीय सेवा प्रवाह गरिरहेको छ ।
प्रभु बैंक छोटो समयको अन्तरालमा नै फिनाकल इन्फोसिस इनोभेसन गोल्ड–२०२४ अवार्डबाट पनि सम्मानित भएको छ ।
