काठमाडौं : कलाकार प्रमिला रिजाल कलाकारिता सम्मानबाट सम्मानित भएकी छन् । उनी गणतन्त्र नेपालको प्रथम उपराष्ट्रपति प्रमानन्द झाको हातबाट सम्मानित भएकी हुन् ।

रिजाल डेढ दशकदेखि कलाकारिता क्षेत्रमा क्रियाशील छिन् । एभरेष्ट नेपाल कल्चरल ग्रुपमा आबद्ध रिजाल विभिन्न विद्यालयमा नृत्य प्रशिक्षकको रुपमा काम गर्दै छिन् ।

न्युज लाइन्स मिडिया प्रा.लि.को नवौं वार्षिकोत्सवको उपलक्ष्यमा कलाकारिताको माध्यमबाट समाजमा पुर्‍याएको योगदानको उच्च मूल्यांकन गर्दै रिजाललाई सम्मान गरिएको संस्थाकी अध्यक्ष रिता ढकालले जानकारी दिइन् । सो अवसरमा रिजालसँगै विभिन्न पेशामा आबद्ध विशिष्ट व्यक्तिहरु पनि सम्मानित भएका छन् ।

काठमाडौंको डाडा गाउँ, शिविपुरीमा भएको कार्यक्रममा प्रतिष्ठित व्यक्तित्वहरुले शुभकामना मन्तव्य राखेका थिए । बुद्धिजीवी, पत्रकार, समाजसेवीहरुको बाक्लो उपस्थितिका बीच कार्यक्रम सम्पन्न भएको थियो ।