काठमाडौँ । क्यानले पूर्व राष्ट्रिय क्रिकेट अलराउन्डर आदिल अन्सारीलाई क्रिकेटमा फर्काउने तयारी गरेको छ । स्पट फिक्सिङको अभियोगमा सफाइ पाएपछि क्यानले अन्सारीलाई क्रिकेटमा फर्काउने तयारी गरेको हो ।
आदिलसहित ५ जनालाई काठमाडौँमा भएको नेपाल टी-२० लिगमा स्पट फिक्सिङ गरेको आरोप लागेको भए पनि पछि सबैलाई काठमाडौँ जिल्ला अदालतले सफाई दिएको थियो ।
आरोपपछि क्यानसहित क्रिकेटको सर्वोच्च संस्था आइसिसीले अन्सारीलाई अन्तराष्ट्रिय क्रिकेटमा प्रतिबन्ध लगाएको थियो । विस्फोटक ब्याटर आदिल मध्यम गतिका बलर समेत हुन ।
