रौतहटः जिल्ला प्रहरी कार्यालय रौतहटले ३२ जना फरार प्रतिवादी पक्राउ गरेको छ । जिल्ला अदालत गौर रौतहटबाट सजाए पाएर लामो समयदेखि फरार रहेका विभिन्न मुद्दाका ३२ जना फरार प्रतिवादीलाई रौतहट प्रहरीले पक्राउ गरेको हो । 

पक्राउ परेकामध्ये सबैभन्दा बढी सवारी ज्यान कसुर सम्बन्धी मुद्दाका आरोपी रहेकाे जिल्ला प्रहरी कार्यालय रौतहटका प्रवक्ता डिएसपी दीपक कुमारले जानकारी दिए । यस मुद्दाका ८ जना आरोपीसहित चेक अनादर मुद्दाका ६ जना, अभद्र व्यवहार मुद्दाका ६ जना, बोक्सी सम्बन्धी मुद्दाका ४ जना, कुटपिट सम्बन्धी मुद्दाका ३ जना, गाली–बेइज्जती मुद्दाका ३ जना, लेनदेन बिगो सम्बन्धी मुद्दाका १ जना र नापतौल कसुरका आरोपी १ जना गरी ३२ जना फरार प्रतिवादीलाई पक्राउ गरिएको प्रवक्ता रायले बताए।

जिल्लाको विभिन्न ठाउँबाट लुकिछिपी बसेको अवस्थामा गोप्य सूचनाको आधारमा उनीहरुलाई पक्राउ गरिएको उनको भनाइ छ । पक्राउ परेकाहरुलाई फैसला कार्यान्वयनका लागि जिल्ला अदालत रौतहटमा उपस्थित गराइएको प्रवक्ता रायले बताए ।