काठमाडौं : इपीएस कोरिया शाखाले दक्षिण कोरिया जाने नेपाली कामदारको हवाई टिकटका लागि युनिभर्सल टुर्स एन्ड ट्राभल्स प्रा. लि.को प्रस्ताव स्वीकृतिका लागि छनोट गरिएको जनाएको छ ।
इपीएसमार्फत कोरिया जाने कामदारको विगत केही वर्षदेखि हवाई टिकट खरिद गरिरहेको उक्त ट्राभल्सले आगामी वर्षका लागि पनि ठेक्का पाएको हो । इपीएस कोरिया शाखाले गत १३ कात्तिकमा हवाई टिकटका लागि बोलपत्र आह्वान गरेको थियो ।
प्रतिटिकट भ्याटसहित ५४ हजार ९९१ रुपैयाँमा उपलब्ध गराउने उक्त ट्राभल्सको प्रस्ताव प्रभावकारी भएकाले स्वीकृतिका लागि छनोट गरिएको शाखाले जनाएको छ । यसअघि उक्त ट्राभल्सले प्रतिटिकट १ लाख २३ हजार रुपैयाँसम्म असुली गरेपछि त्यसको व्यापक विरोध भएको थियो ।
.jpg)
