काठमाडौं : बीवाईडी गाडीको नेपालका लागि आधिकारिक वितरक साइमेक्स इंक प्रालिले ९ देखि १३ माघसम्म ‘एक्सचेन्ज फेस्ट’ आयोजना गर्ने भएको छ । उक्त मेलामा ग्राहकहरूले आफूसँग भएका जुनसुकै ब्रान्डका पुरानो गाडीसँग बीवाईडीको ब्रान्ड न्यु ईभी साट्न सकिने कम्पनीले बताएको छ ।
यसरी एक्सचेन्ज गर्दा ग्राहकले उत्कृष्ट मूल्यांकनका साथै एक्सचेन्ज बोनस, लोयल्टी बोनस, निःशुल्क प्रिमियम एसेसरिज र निःशुल्क चार्जर जडानको सुविधा पाउने बताइएको छ ।
कम्पनीकाअनुसार कार्यक्रम काठमाडौं उपत्यकाका पाँच स्थानसहित बुटवल, भैरहवा, इटहरी, बिर्तामोड, जनकपुर, वीरगञ्ज, पोखरा, बनेपा, नेपालगञ्ज र नारायणघाटमा आयोजना हुनेछन् । एक्सचेन्ज फेस्टमा सहभागी भएर ग्राहकले पुरानो गाडीसँग बीवाईडीको एट्टो३, डल्फिन र एम६ जस्ता चर्चित र लोकप्रिय ईभीहरू एक्सचेन्ज गर्न सक्नेछन् ।
