.jpg)
रौतहट : नेपाल रेडक्रस सोसाइटी रौतहट शाखाले राजदेवी नगरपालिका ८ लक्ष्मीपुर बेलविछवा टोलमा कम्बल वितरण गरेको छ ।
शाखाका सभापति राजकिशोर प्रसाद यादवको नेतृत्वमा ७८ जना गरिब, एकल महिला, वृद्ध एवं सुत्केरी महिलालाई कम्बल वितरण गरेको हो ।
अत्यधिक जाडो र बढी हुस्सुका कारण विपद्मा रहेका गरिब महिला रामदुलारी देवीले कम्बल पाउँदा खुसी व्यक्त गरिन् । जहाँ दुःख, त्यहाँ रेडक्रस नारा लिएर हिँडेको रेडक्रसले विपद्मा रहेका आगलागी,बाढी र अन्यक्षेत्रमा रहेका पीडित परिवारले राहत पाउँदा खुसी लागेको पूर्व वडाध्यक्ष समाजसेवी मिथिलेश यादव, राम दरेश यादव, राजनीतिक दलका अगुवाहरूले खुसी व्यक्त गरे ।
शाखाका सभापति यादवले सबै वर्गलाई राहत वितरण गरिने प्रतिबद्धता जनाए ।
सो अवसरमा जिल्ला कमिटी सदस्य रामएकवाल साह, सजय यादव,अधिकृत कपिलदेव पडित, पूर्व अधिकृत हेमन्त यादव,उपशाखाका सभापति एवं जिल्ला कमिटी सदस्य राम विलास साहको उपस्थिति रहेको थियो ।
