.jpg)
लहान : सिरहा नगरपालिका–१७ स्थित भन्सार गेट नजिक प्रहरीले लागुऔषध ब्राउन सुगरसहित दुई जनालाई पक्राउ गरेको छ । पक्राउ पर्नेमा गोलबजार नगरपालिका–७ का २५ वर्षीय हृदय सिंह र गोलबजार नगरपालिका–८ का २२ वर्षीय धर्मेन्द्र यादव रहेका छन् ।
प्रहरीका अनुसार मोटरसाइकलमा आएका उनीहरूलाई खानतलासी गर्दा सिंहको साथबाट ५ ग्राम २०० मिलिग्राम ब्राउन सुगर फेला परेको हो । जिल्ला प्रहरी कार्यालय सिरहा, लागुऔषध नियन्त्रण ब्यूरो जनकपुर र इलाका प्रहरी कार्यालय माडरको संयुक्त टोलीले उनीहरूलाई नियन्त्रणमा लिएको हो ।
सिरहा जिल्ला अदालतबाट म्याद थप गरी पक्राउ परेकाहरूविरुद्ध थप अनुसन्धान भइरहेको सिरहाका प्रहरी प्रवक्ता डीएसपी वीरेन्द्रकुमार पासवानले जानकारी दिए ।
