X

काठमाडौं : वैदेशिक रोजगार व्यवासायी संघ तथा नेपाल लोकतान्त्रिक वैदेशिक रोजगार व्यवसायी एशोसिएसनका पूर्वअध्यक्ष हंशराज वाग्ले नेपाली कांग्रेसमा पुनः प्रवेश गरेका छन् । वाग्लेलाई बिहीबार कांग्रेसका सभापति तथा पूर्वप्रधानमन्त्री शेरबहादुर देउवाले आफ्नो निवास बुढानीलकण्ठमा खादा तथा माला लगाइदिएर पार्टी प्रवेश गराएका हुन् ।

सिद्धिचरण–९ ओखलढुंगा निवासी वाग्ले भलिबलका राष्ट्रिय खेलाडी, नेपाली कांग्रेसका क्षेत्रीय प्रतिनिधि तथा जिल्ला कार्यसमिति सदस्य, नेकपा एकीकृत समाजवादी ओखलढुंगाको संस्थापक अध्यक्ष तथा कोशी प्रदेश कमिटी सदस्य रहेका थिए । 

केही समयअघिसम्मम राष्ट्रिय खेलखुद परिषद् कोशीका सदस्य सचिव रहेका वाग्लेले नेपाली कांग्रेसका माध्यमबाट जनसेवा गर्ने निष्कर्षका साथ पुरानो पार्टीमा फर्किएको बताए । पार्टी प्रवेश कार्यक्रममा राज्य व्यवस्था समिति सभापतिसमेत रहेका नेपाली कांग्रेसका केन्द्रीय सदस्य रामहरि खतिवडाले व्यवसायी वाग्लेको पुनरागमनले ओखलढुंगा पार्टी पंक्तिमा उत्साह थपिएको बताए ।