.jpg)
रौतहट : रौतहट फतुवा विजयपुर नगरपालिका वडा नं. ३ मेवामा रहेको यमुना कौशल्या स्मृति आधारभूत विद्यालयमा अध्ययनरत विद्यार्थीहरुलाई स्कुल पोसाक वितरण गरिएको छ । शुक्रबार एक कार्यक्रमकाबीच विद्यालयमा अध्ययनरत १ सय ४० जना विद्यार्थीलाई पोसाक वितरण गरिएको हो ।
पूर्ववडाध्यक्ष दिपलाल साह र विद्यालय व्यवस्थापन समितिका अध्यक्ष पुरुषोत्तम मिश्रले स्कुल पोसाक वितरण गरेका थिए । स्कुल पोसाक पनि शैक्षिक सुधारको एक अंश भएको र यस विद्यालयमा अध्ययनरत विद्यार्थीहरुलाई शिक्षामा टेवा पुगोस् भन्ने उद्देश्यले पोसाक वितरण गरिएको विद्यालय व्यवस्थापन समितिका अध्यक्ष मिश्रले बताए ।
विद्यार्थीहरुलाई नियमित विद्यालयमा आउन स्कुल पोसाकको खाँचो रहदै आएकोमा नगरपालिकाले पोसाक वितरण गर्दा विद्यार्थीहरु खुसी भएको प्र.अ रामप्रवेश साहले जानकारी दिए ।
