.jpg)
बर्दिया : बर्दियाको राजापुर नगरपालिकामा जिल्लास्तरीय हाजिरी जवाफ छनोट प्रतियोगिता सम्पन्न भएको छ । निजी तथा आवासीय विद्यालय अर्गनाइजेशन नेपाल बर्दियाको आयोजनामा राजापुर नगरपालिका वडा नं. २ बाला बजारस्थित सहारा बोर्डिङ स्कुलमा प्रतियोगिता सम्पन्न भएको हो ।
प्रतियोगितामा राजापुर नगरपालिका र गेरुवा गाउँपालिका अन्तर्गतका ७ वटा निजी तथा आवासीय विद्यालयहरूका आधारभूत तहका २१ जना छात्र छात्राहरू सहभागी थिए ।
प्रतियोगितामा ग्रेट नेपाल लर्नर एकेडेमी राजापुर प्रथम, नवज्योति पब्लिक बोर्डिङ स्कुल जनकनगर द्वितीय र पिसल्याण्ड बोर्डिङ स्कुल प्रसेनीपुर तृतीय भएका छन् ।
प्रथम, द्वितीय र तृतीय हुने तथा प्रतियोगितामा सहभागी हुने सहभागी छात्र छात्राहरूलाई राजापुर नगरपालिका वडा नं. २ का वडा अध्यक्ष रामचन्द्र चौधरीले पुरस्कार तथा प्रमाणपत्र प्रदान गरेका थिए ।
प्रतियोगितामा प्रथम र द्वितीय हुने विद्यालयलाई जिल्लास्तरीय प्रतियोगितामा समावेश गराइने आयोजकले जनाएको छ ।
