उदयपुर : उदयपुरमा भरुवा बन्दुकसहित १ जना पक्राउ परेका छन् । जिल्ला प्रहरी कार्यालय उदयपुरको अस्थायी प्रहरी पोष्ट संगमचोकबाट खटिएको प्रहरी टोलीले बिहीबार चेकजाँच गर्ने क्रममा २ नाल भरुवा बन्दुकसहित रौतामाई गाउँपालिका वडा नं. ७ संगमचोकबाट १ जनालाई पक्राउ गरेको हो ।
गाईघाटबाट नेपालटारतर्फ जाँदै गरेको प्र ३ ०२ ०१३ प ३३८४ नम्बरको मोटरसाइकल चेकजाँच गर्ने क्रममा मोटरसाइकलमा लुकाई छिपाई गरी ल्याउँदै गरिएको २ नाल भरुवा बन्दुकसहित उदयपुरगढी गाउँपालिका-७ बस्ने सन्तोष मगरलाई पक्राउ गरिएको जिल्ला प्रहरी कार्यालय उदयपुरले जनाएको छ ।
पक्राउ परेका मगरलाई जिल्ला प्रहरी कार्यालय उदयपुरको हिरासतमा राखी थप अनुसन्धान भइरहेको प्रहरीले जनाएको छ ।
.jpg)
.jpg)
