दिपु मिश्र/मध्यान्ह
रौतहट : बाराको निजगढ बजारमा एक जना युवकको घाँटी रेटि हत्या भएको छ । निजगढ नगरपालिका वडा नम्बर ९ बुद्धचोक बस्ने १९ वर्षीय रोहित शर्माको घाँटी रेटी हत्या गरिएको अवस्थामा शव फेला परेको हो ।
शर्माको हत्यामा संलग्न रहेको आरोपमा प्रहरीले एक जनालाई नियन्त्रणमा लिएको छ । जिल्ला प्रहरी कार्यालय बाराको टोलीले ईलाका प्रहरी कार्यालय चन्द्रनिगाहपुरको सहयोगमा हत्या आरोपी अरुण कुमार साहलाई पक्राउ गरेका हो ।
रौतहटको चन्द्रपुर नगरपालिका वडा नम्बर ४ पानी ट्याङकी छेउ बस्ने २९ वर्षीय मक्करे भन्ने अरुण कुमार साहलाई मंगलबार बिहान प्रहरीले नियन्त्रणमा लिएको जिल्ला प्रहरी कार्यालयका प्रवक्ता डिएसपी गौतम मिश्रले जानकारी दिए ।
मृतक शर्माको हत्या गरेर उनको घरबाट साह मंगलबार बिहान साँढे चार बजेको समयमा ना १३ प ७२१२ नम्बरको मोटरसाइकल चढेर निस्केको सिसि टिभि फुटेजमा देखिएपछि उनलाई पक्राउ गरिएको डिएसपी मिश्रले जानकारी दिए ।
प्रहरीले साहको पान पसलबाट हत्यामा प्रयोग भएको चक्कु तथा नीजको घरबाट घटनामा प्रयोग भएको रगत लागेको कपडाहरु र मोटरसाइकलसमेत बरामद गरेको छ । हत्या भएको कारण हालसम्म नखुलेको तथा घटनाको विषयमा विस्तृत अनुसन्धान भइरहेको डिएसपी मिश्रले जनाएका छन् ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies