सहबान अन्सारी/मध्यान्ह
नवलपरासी : नवलपरासीमा सशस्त्र प्रहरीले लागूऔषधसहित एक युवकलाई नियन्त्रणमा लिएको छ । प्रहरीले बुधवार साँझ सुस्ता गाउँपालिका वडा नं. २ सातपत्रिबाट ती युवकलाई नियन्त्रणमा लिएको हो ।
अन्दाजी १८ वर्षका ती युवकले भारतबाट लुकाई छिपाई झोलामा समान बोकी नेपालतर्फ ल्याउँदै गरेको अवस्थामा विशेष सुराकीको आधारमा सशस्त्र प्रहरी बोर्डर आउट पोष्ट गुठी परसौनीका सशस्त्र प्रहरी निरीक्षक संतोष खरेलको नेतृत्वमा खटिएको गस्ती टोलीले पक्राउ गरेको हो । प्रहरी टोलीलाई देखेपछस ती युवक भाग्न खोजेका थिए ।
पक्राउ गरिएका युवकको झोला चेकजाँच गर्दा झोलाबाट अनरेक्स सिरफ ३१ बोतल, नाइट्रोभेट ८ पत्ता १ सय २० चक्की, विनस्पास्मो फोर्ट १८ सय ९० पिस जस्ता लागूऔषध बरामद गरिएको छ ।
पक्राउ परेका युवक र बरामद लागूऔषध इलाका प्रहरी कार्यालय बेलाटारीमा बुझाइएको सशस्त्र प्रहरीले जनाएको छ ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies