इमरान खान/मध्यान्ह
कपिलवस्तु : कोरोना भाइरस संक्रमण फैलँदै गएपछि कपिलवस्तुको तौलिहवामा 'तपाईंको मास्क खोई ?' अभियान चलाइएको छ ।
कपिलवस्तु जिल्लाका प्रमुख जिल्ला अधिकारी चक्रपाणी पाण्डे र कपिलवस्तु जिल्ला प्रहरी कार्यालयका प्रमुख प्रहरी उपरीक्षक नवराज अधिकारीले प्रत्यक्ष रुपमा जिल्लाको विभिन्न चोक-चोकमा गई जनचेतना मूलक सचेतनासहित 'हामिले त मास्क लगायौँ तपाईँको मास्क खोई ?' अभियान चलाएका हुन् ।
पछिल्लो समयमा दिनानुदिन बढिरहेको दोस्रो चरणको कोरोना संक्रमणलाई मध्यनजर गरी नेपाल सरकारको कोरोना नियन्त्रण सम्बन्धी निर्णय र आवश्यक सुरक्षा सतर्कताका बारेमा जनजनमा सचेतना फैलाउने उद्देश्यले सो अभियान चलाइएको प्रमुख जिल्ला अधिकारी पाण्डेले जानकारी दिए ।
साथै सो अवसरमा सर्वसाधारणलाई करिब एक हजार थान मास्क समेत वितरण गरिएको थियो ।
Kamalpokhari, Kathmandu
Phone : 01-5326366, 01-5328298
Mobile : 9841293261, 9841206411
Email : madhyanhadaily59@gmail.com
सूचना विभाग दर्ता नं. : 807/074/075
© 2024 मध्यान्ह सर्वाधिकार सुरक्षित | Managed by Bent Ray Technologies